Hi Guys,
The Real Facebook Page (with more then 25000 Fans) of Malik Riaz Hussain is

https://www.facebook.com/malikriazh

Malik Riaz Hussain, Hero, Villain and Comedian:
Robs one to pay the other…….
ملک ریاض: ہیرو، کامیڈین اور ولن۔۔۔

ستّر کی دہایٔ میں عطاء الحق قاسمی نے اُس وقت کے اور ملک کے واحد داستانوی، رومانوی اور صاحب طرز سیاسی راہمنما کی شخصی ارتقا کا تجزیہ کرتے ہوۓ لکھا تھا کہ موصوف فلمسٹار اسلم پرویز کی مانند ہیں جنہوں نے فن اداکاری کا آغاز ہیرو کے طور پر کیا، بعد میں کامیڈین بن کر لوگوں کو ہنسانے لگے اور آخر میں ولن بن کر ظلم ہ ستم کے پہاڑ ڈھانے لگے۔ ہمیں قاسمی صاحب کے موازنے سے تو اتفاق نہیں، اور نہ ہی موزنے کا موضوع بننے والی قد آور ترین شخصیّت کا آج کی تحریر کے مرکزی کردار سے کویٔ تال میل بنتا ہے، ہم صرف موازنے کے الفاظ مستعار لیتے ہوۓ بات کو آگے بڑھاتے ہیں۔ ہمیں یہ شکایت رہی ہے کہ پاکستان میں امارت، دولتمندی اور اہل ثروت ہونے کو دو نمبری کے مترادف سمجھا جاتا ہے۔ یہ ایک المیہ ہے مگر اس کی ٹھوس وجوہات بھی تو ہیں۔ یہاں جس کے پاس بھی دولت ہے اُسکے پیچھے چالاکیوں، ٹیکس چوریوں، بدمعاشیوں اور دیگر انواع و اقسام کی برایٔوں کے وسیع سلسلے پنہاں ہوتے ہیں۔پچھلے چند سالوں سے پاکستان کے کاروباری اُفق پر ایک شخصیّت طلوع ہویٔ اور آندھی طوفان کی طرح چھاگۓ۔ وجہ شہرت اُنکی یہ ٹھہری کہ ویران اُجاڑ زمینیں خرید کر اُنہیں ہموار کیا، وہاں بین الا قوامی معیار کی سڑکیں، گلیاں اور دیگر سہولیات بنوا کر معیار کی مناسبت سے کافی سستی قیمت میں لوگوں کو رہایٔشی پلاٹ اور تیار گھر مہیّا کیۓ۔ اُنکا معاشی پس منظر امیرانہ ہرگز نہیں تھا بلکہ وہ ایک وقت میں کافی غربت اور محرومی کے دور سے گُذرے تھے۔ وہ فخر سے اپنے انٹرویوز میں بتاتے رہے ہیں کہ ایک وقت میں وہ اپنے اہل خانہ کے علاج کیلیٔے اہلیہ کا زیور اور گھر کے برتن بیچ چکے ہیں۔ ان صاحب نے ویران زمینوں کو آباد کرکے کچھ ایسے سلیقے سے تازہ بستیاں بسایٔں کہ عقل دنگ رہ گیٔ۔ لوگ ان آبادیوں میں پلاٹ خریدنے اور گھر بنانے کیلۓ ٹوٹ پڑے اور ملک صاحب کے اعلیٰ اور نفیس ذوق کی داد دینے لگے۔ ان رہایٔشی منصوبوں کا انتظام چلانے کیلیۓ قایٔم کیۓ گۓ دفاتر اور عملہ پاکستان نہیں بلکہ کسی ترقی یافتہ ملک کا نظارہ پیش کرتے ہیں۔ یہ منصوبے اتنے وسیع اور عریض زمینوں پر قایٔم کیٔے گۓ کہ درجنوں بلکہ سینکٹروں کی تعداد میں مکانات، دُکانیں اور مارکیٹیں بنوانا ایسے ہی تھا جیسے بالٹیوں میں کھمبیاں اُگانا۔۔۔ایسے میں قدرتی امر تھا کہ مٹی کے ٹیلے سونے میں بدل گۓ اور ملک ریاض پاکستان کے ایک ایسے امیر آدمی بن گۓ جن پر پجا طور پر فخر کیا جانے لگا کہ وہ صحیح معنوں میں اُن لوگوں میں شامل تھے جنہیں ‘سیلف میڈ’ کہا جاتا ہے کہ وہ سب کچھ اپنی محنت سے حاصل کرتے ہیں۔ یہ ان لوگوں میں شُمار کیۓ جانے لگے جنکے بارے میں یقین کیا جاتا ہے کہ انکا مقصد انسانییّت کی خدمت اور لوگوں کا ایک دیرینہ مسٔلہ حل کرنا ہوتا ہے۔ پیسہ ایک اظافی یعنی بایٔ پراڈکٹ کے طور پر خود بخود آ جاتا ہے۔ یہی وہ سوچ تھی جس کے تحت امریکہ میں ہنری فورڈ نے موٹر کار اور آیٔ بی ایم کے مالک نے کمپیوٹر کو ہر گھر اور ہر شخص تک پہنچانے کا عزم کیا اورایسا کرکے دکھایا۔ ‘بایٔ پراڈکٹ’ کے طور پر انکے پاس پیسہ آیا اور بہت سارا آیا۔ ملک ریاض نے بھی پاکستان میں لوگوں کو مناسب قیمت میں انتہایٔ اعلیٔ معیار کے مکان دیۓ اور خوب پیسہ کمایا۔ ذاتی جیٹ ہوایٔ جہاز میں سفر، کروڑوں روپے کی گاڑیاں جیسے شاہانہ ٹھاٹھ باٹھ کے علاوہ بے شمار رفاہی اور خیراتی کاموں میں بھی بڑھ چڑھ کرحصہ لینا اُنکا پہچان بنا۔ ملک ریاض صحیح معنوں میں پاکستانی بزنس دُنیا کی ایک شاندار داستان بن کر اُبھرے۔اچانک ملک ریاض حسین اسلم پرویز مرحوم کے نقش قدم پر چلتے ہوۓ کامیڈین اور ولن کا روپ دھار گۓ۔ مشابہت دونوں میں یہ کہ لوگوں کو ہنسانے کے شعبہ میں الگ سے ملک صاحب کی سرگرمیاں مختصر عرصہ پر محیط رہیں کیونکہ جلد ہی انہوں نے خالصتا ولن کا کردار اپنایا، کچھ اس انداز سے کہ ولن ہوتے ہوۓ بھی سرگرمیوں میں مزاح کا پہلو موجود رہا۔۔۔ملک صاحب کے مفت دسترخوانوں کا بڑا چرچا رہا، یا چرچا کیا گیا جہاں ہزاروں لوگ مفت کھانا کھاتے ہیں، اسی طرح صومالی قزاق بحری جہاز اور اس پر سوار پاکستانیوں کو یرغمال بنایٔں تو تاوان کی رقم ملک صاحب ادا کرتے ہیں۔ یہ بہت اچھے کام ہیں، تاہم بہتر ہوتا ملک صاحب یہ کام اپنے منافع کی رقم سے کرتے۔ اسکے برعکس، لگتا یہ ہے کہ یہ رقم ان لوگوں سے ہی بٹوری جاتی ہے جنہیں بقول ملک صاحب سستے داموں اعلیٰ معیار کے گھر اور پلاٹ مہیّا کرنا بحریہ ٹاؤن کا نصب العین ہے۔ جو پلاٹ آج سے آٹھ سال پہلے پانچھ دس لاکھ کے فروخت کیۓ گیۓ، درمیانی مدّت ہی میں اُنکی قیمت دُگنی کردی گیٔ۔ اس پر بھی بات نہ رُکی اور پوری رقم کی ادایٔگی کے بعد پیچارے خریداروں سے ایک بارپھر کہا گیا کہ لاکھوں روپے مزید جمع کرایٔں۔ یہ تو ہویٔ مغرب کے معروف ڈاکو رابن ہُڈ والی بات جو ایک کو لوٹ کر دوسرے کو نواز تا تھا۔ رابن ہُڈ کی اچھی بات البتہ یہ تھی کہ وہ امیروں کو لوٹ کر غریبوں کی مدد کرتا تھا جبکہ یہاں لگتا ہے غریبوں سے ترقیاتی اور اضافی ترقیاتی اخراجات کے نام پر پیسے بٹور کر بااثر لوگوں اور اُنکے لاڈلوں کو مغرب کے جوا خانوں میں عیاشیاں کرایٔ جا رہی ہیں۔ کچھ بچا کھچا بورا بُرادہ شاید دسترخوان جیسے ڈ راموں پر بھی خرچ ہوتا ہو۔کاش ملک ریاض حسیین ایک بزنس یا پراپرٹی ٹایٔکون ہی رہتے۔۔۔وہ یہاں کے نوجوانوں کے لیۓ بطور خاص روشنی کے مینار کا کام کرتے، کہ کارو بار سے اور جایٔز کی کمایٔ سے بھی انتہایٔ امیر بنا جا سکتا ہے، اپنے ہموطنوں کی خدمت کے عزم کو پورا کیا جاسکتا ہے، اپنے دیس اور اپنے لوگوں کو بین الاقوامی معیار کی سہولتیں دی جاسکتی ہیں جسکے ساتھ ساتھ بہت سارا پیسہ ‘جھونگے’ میں آپکے پاس آجاتا ہے۔ حکمرانوں کو “تحفے” دینا اور اُنکے ساتھ بنا کر رکھنا بھی کویٔ معیوب بات نہ سمجھی جاتی۔ مسٔلہ تب بنا جب انہوں نے سکینڈل پلا نٹ کرنا شروع کیۓ۔ گملوں میں بیچ بو کر اور اُگا کر، ہر مرحلے پر تصویریں اُتار کر اور ریکارڈ رکھ کر کہ بوقت ضرورت کام آیٔں۔ اعلیٰ ترین عدالتی شخصیّت کے صاحبزادے پر کیۓ جانے والے خرچوں کی تفصیل لیک کردی گیٔ۔ انواع و اقسام کی افواہیں پھیلیں یا پھیلایٔں گیٔں۔ خبر چلی کہ ملک ریاض صاحب ڈاکٹروں کی ھدایت کے برعکس لندن سے ذاتی جیٹ طیّارے میں پاکستان کیلیۓ روانہ ہیں۔ ٹی وی نیوز چینلز نے پراپرٹی ٹایٔکون (از راہ کرم اس اصطلاح کا اردو ترجمہ تو عنایت کیجیٔے) کی واپسی سفر کی دقیقہ وار تفصیل سے اپنے ناظرین کو آگاہ کرتے رہے۔ یہ جو تمام ہایٔپ اور ڈرامہ تخلیق کیا گیا، اُسکا پُھسپُھسا ڈراپ سین ملک ریاض کے پریس کانفرنس اور ایک ٹی وی چینل پر موصوف کے انٹرویو اور وقفوں کے دوران پس پردہ ہونے والی گفتگو کی ریکارڈنگ منظر عام پر آنے سے ہوا۔ ایسے لگا جیسے پاکستان کے سب سے طویل القامت اشخاص عالم چنّا مرحوم اور نصیر سومرو اچانک کوڈو سے بھی چھوٹی قد کے بن گۓ ہوں۔بے شمار لوگوں کی طرح ہماری بھی خواہش کہ ملک ریاض ہیرو ہی رہتے۔۔۔کامیڈین کا کردرا اُنکا خاصا مختصر رہا، شاید اسلیۓ ولن کے کردار میں بھی مزاح کا بھر پور سامان پیدا کرتے رہے۔ ولن کی کامیابی کا ایک پیمانہ یہ بھی ہے کہ ہر دوسرا شخص چاہے کہ اسے جوتے مارے۔۔۔اس حد تک ملک ریاض کی فلم یقینا ہٹ رہی۔۔۔۔

http://www.qalamnama.wordpress.com